U subotu, 6. 4. 2024., u 12:00 sati na groblju Črnuče oprostili smo se od Ivana Brodarića, prvog predsjednika našeg društva koji je bio ujedno i jedan od ustanovitelja. Sa ovim riječima, u imenu članova i prijatelja društva zadnju počast odao mu je Štef Šimunić, sadašnji predsjednik društva:
Drogi člani obitelji i prijatelji,
kak gojt je denešnji den žalosten, zmisljimo se na trenutke kaj smo jih doživeli z Ivekom (Ivanom Brodarićem). Si člani HKD Međimurje-Ljubljana smo ga poznalji kak najzasluženešega za osnivanje društva i kak prvoga predsednika našega društva. Njegov život so krasile pripadnost njegvi familjiji i našemu društvu.
Nostalgija za rodnim krajom, kajkavskim govorom, kulturnom baštinom i želja da naša deca ne zobijo odkud so došlji njihovi roditelji, so Iveka vodili da svoju želju podeli s prijateljima. Prijatelji so ga podržali i tak so počele aktivnosti za osnivanje našega društva.
Osnovali so Organizacijski odbor i počeli z delom na kulturnem području. Početek je bil težek ali so člani pod njegvim vodstvom uspeli zainteresirati veljki broj Međimurov kak i osalih članov društva za aktivno delo i druženje v društvu. Večpot mi je povedal da se je delo v društvu počelo vjutru dok so se on i Katica stalji i završilo dok so išlji spot. Ljefko vam potvrdim da je imel prav. Samo s predanim i požrtvovanim delom ljefko dojdeš do uspeha. Zoto je i denes naše društvo uspješno i priznato tak v Sloveniji kak i v Hrvatski.
Ves čas otkak vodim društvo ga je zanimalo kak i kaj se dela v društvu. Rad je došel na naše predstave i bil ponosen na naše uspehe. Vesel je bil ako smo uspeli naprajti (realizirati) kaj si je on zamislil i predlagal dok je vodil društvo (bil predsednik).
Poznali smo ga kak prijaznoga i navek pripravljenega ljudem pomoći. Bil je primer svoji deci, unukom, suradnikom i prijateljem.
Nažalost je neočekivano zbetežil i bolest je bila jakša od njega, tak da nas je Ivek prerano napustil. Ostala je praznina v njegvi familiji, pri prijateljih i našem društvu (HKD Međimurje-Ljubljana) koje je imel joko rad.
Celoj familiji iskrena sučut.
Ivek počivaj v miru.
Štef Šimunić, predsjednik HKDM-LJ